Publicada o Martes 1 de Agosto de 2006 en Obras, Medio Ambiente
Pablo Villamar, presidente da Comisión de Promoción Económica, Emprego e Turismo da Deputación da Coruña, acudiu a Mugardos martes 1 de agosto. Na súa visita, o deputado nacionalista inspeccionou xunto co alcalde, Xosé Fernández Barcia, e o concelleiro de Obras, Moisés Rivadulla, os traballos de construción das beirarrúas da Areosa, parcialmente subvencionadas polo organismo provincial. Así mesmo, fixo balance doutros investimentos na nosa vila do departamento que el dirixe, como os que permitirán ao Concello reforzar o seu parque móbil mediante a adquisición dunha varredora e un tractor.
