Este venres, presentación do proxecto piloto de Internet sen fíos
Publicada o 15 de Febreiro de 2007 en Cultura
A Concellaría de Cultura comunica que este venres se vai presentar o PROXECTO PILOTO “INTERNET GRATUÍTA” (WIMAX), auspiciado pola Deputación da Coruña.
Este proxecto trata de facilitar unha conexión a Internet de calidade na zona rural, ou onde a ADSL non dá a calidade axeitada. Fornecerase a quen o solicite o dispositivo de conexión e explicarase o seu uso. A campaña estará en marcha até o mes de xullo de 2007.
Este venres día 16 de febreiro, a partir das 20:00 horas, no Salón de Plenos haberá unha charla informativa e poderán formalizarse as inscricións no programa.
Para máis información poden dirixirse ao teléfono 981 47 03 38, ext. 8.
